Тацяна Канеўская: Выбарцы не давяраюць вынікам
Назіральніца па Гомельскай-Савецкай акрузе №34 Тацяна Канеўская лічыць, што выбарцы не давяраюць вынікам выбараў.
Паводле актывісткі, галасаваць на выбарчыя ўчасткі беларусы ідуць па звычцы:
– Я не чула ніводнага чалавека, нават седзячы назіральнікам, людзі ўсе кажуць у адзін голас. Я думаю, што гэта засталося яшчэ ад нашых дзядоў і прадзедаў, вось гэта адказнасць. Мы яшчэ па нейкай інерцыі проста ідзем і галасуем. Самы вялікі апошні дзень галасавання, я думаю, што людзей больш прыманьваюць буфеты.
Карэспандэнтка нашага радыё распытала гомельцаў пра выбары:
РР: Давяраеце вынікам выбараў?
– Увогуле не прыняць удзел – гэта няправільна.
– Вельмі задаволеныя. Малайцы. Усё на вышэйшым узроўні.
– Я галасаваў за кіраўніка адміністрацыі Чыгуначнага раёна.
– Мяне напружвае, што я нікога не ведаю. Я разумею, грамадзянскі абавязак, але ж я іх не ведаю нікога.
– За апошніх гадоў 7-8 я ўсё ж такі вырашыў прыйсці.
РР: А чаму?
– Унутранае падштурхоўванне адбылося. Напэўна штосьці, дзесьці, хочацца чагосьці ўжо.
На кожным участку ў асноўны дзень галасавання працавалі буфеты і праводзіліся канцэрты.
Беларускае Радыё Рацыя, Гомель
Глядзіце таксама
