Тэракт у Берліне: загінула 12 чалавек (абноўлена)
Колькасць ахвяраў наезду грузавіка на людзей у Берліне вырасла да 12 чалавек. Паводле звестак тамтэйшай паліцыі яшчэ 48 знаходзяцца ў шпіталі.
Асноўная версія здарэння – тэракт, хоць праваахоўчыя органы пакуль гэта так не кваліфікуюць.
Грузавік з металічнымі балванкамі ўрэзаўся ў натоўп на Калядным кірмашы каля мемарыяльнай царквы кайзера Вільгельма ў Берліне, паведамляе Bild. Машына была з польскімі нумарамі, паводле папярэдніх звестак за рулём быў пакістанец. Кіраўнік польскай кампаніі Жураўскі, якой належаў аўтамабіль, заявіў, што грузавік маглі захапіць на будаўнічай пляцоўцы.
У кабіне было два чалавекі, аднаго з іх знайшлі мёртвым на месцы здарэння (нямецкая паліцыя пацвердзіла, што гэта грамадзянін Польшчы), іншы ж спрабаваў уцячы, але быў затрыманы паліцыяй.
