Тэракт у Стамбуле: 39 ахвяраў
39 чалавек загінулі ў выніку тэрарыстычнай атакі на начны клуб Reina ў Стамбуле. Пра гэта паведаміў журналістам міністр унутраных спраў Турцыі Сулейман Сайлу, перадае агенцтва Dogan.
Паводле яго слоў вызначана асоба 21 загінулага, 15 з іх – грамадзяне замежных дзяржаў. У шпіталях знаходзяцца 69 пацярпелых. Стан чатырох чалавек крытычны.
Сайлу ўдакладніў, што напад адбыўся ў 1.15 ночы, у разгар святкавання Новага году наведнікамі начнога клуба. Адзін ці двое тэрарыстаў у касцюмах Санта Клауса зайшлі ў клуб і пачалі страляць па людзях. Перад гэтым яны застрэлілі паліцэйскага і грамадзянскага ахоўніка на ўваходзе. Расстрэльвалі наведнікаў клуба, якіх было ад 700 да 800 чалавек, з аўтамата Калашннікава.
Паводле апошняй інфамацыі адзін з нападнікаў дакладна забіты.
Беларускае Радыё Рацыя
