Ці адзначаюць беларусы 1 траўня?
1 траўня – свята вясны і працы, Дзень міжнароднай салідарнасці рабочых.
У Беларусі гэта Дзень працы ў прамым і пераносным сэнсе. Гістарычны яго сэнс забыты з савецкіх часоў. Таму многія апытаныя бярозаўчане бачаць у 1 траўня дадатковы выходны ў гарачую веснавую пару, калі можна пасадзіць агароды, кажуць людзі:
– 1 траўня радасны для мяне дзень таму, што выходны. Ёсць магчымасць пабыць дома з сям’ёй, дапамагчы маці на сядзібе.
– Буду машыну рамантаваць.
– Лепш бы Пасху другі дзень зрабілі.
– Свята 1 траўня ніякае не свята. Стаю, прабачце, адным мяккім месцам дагары і саджаю агарод.
– Раней было свята, а цяпер як выходны дзень.
– Адсыпаюся ад працоўнага тыдня.
– На 1 траўня я стараюся пасадзіць агарод.
Бярозаўскія ўлады арганізавалі Першамай на гарадской плошчы. Спачатку будуць уручаны пасведчанні пра занясенне на дошку гонару, потым канцэрт мастацкай самадзейнасці і спартовыя гульні з удзелам работнікаў прадпрыемстваў і арганізацый раёна.
Беларускае Радыё Рацыя
