Ці дапамагаюць нам прафсаюзы?
Старшыня Федэрацыі прафсаюзаў Беларусі Леанід Козік збіраецца ў адстаўку. Днямі з’явілася інфармацыя, што ён ужо падаў адпаведную заяву. Разам з ім зыходзіць цэлая эпоха – Козік адпрацаваў на пасадзе старшыні 12 гадоў. Карэспандэнты агенцтва БелаПАН спыталі ў менчукоў, у якія прафесійныя саюзы яны ўваходзяць, і як прафсаюзы ім дапамагаюць:
– Я не з’яўляюся сабрам прафсаюза і не лічу, што ён здольны абараніць нейкія інтарэсы і правы. Скажам так, я быў сябрам прафсаюза, але нічога ад іх не бачыў. Таму сэнса ў гэтым ніякага няма.
– У прафсаюзе культуры, атрымліваю матэрыяльнаю дапамогу… Калі параўнаць з прафсаюзамі Еўропы, то там бачна, што яны неяк працуюць, а нашы – прынамсі не так актыўна.
– З’яўляўся сябрам прафсаюза АПК 15 гадоў. Дзецям выдзялілся грошы на санаторнае лячэнне. Падарункі да Новага года дзецям і работнікам… Прафсаюз не ў поўнай меры бароніць правы сваіх сяброў.
– У прафсаюзе ва ўнівенсітэце. Толькі са стыпендыі грошы забіраюць. Вось і ўсё.
Большасць апытаных менчукоў адзначыла, што ад дзяржаўных прафсаюзаў часам атрымліваюць пэўныя матэрыяльныя выгады. Аднак калі казаць пра абарону правоў працоўных, тут дапамогі звычайна нельга чакаць.
Беларускае Радыё Рацыя. Паводле БелаПАН
Глядзіце таксама
