Цягніком з Менску ў Польшчу праз Гародню
З 11-га траўня Беларуская чыгунка арганізуе маршрут з Менску ў Польшчу праз Гародню.
У выніку дамоўленасці Беларускай чыгункі з Польскімі чыгункамі зменіцца расклад цягніка №193 Гародня-Малкіня, які будзе адпраўляцца з Гародні ў Польшчу ў 12.50 (замест 11.23).
Гэта зробіць магчымым перасадку пасажыраў цягніка міжрэгіянальных ліній Менск- Гародня на цягнік у Польшчу.
Прыбываць у Беласток цягнік будзе ў 14.57. Мэтай рэалізацыі праекту з’яўляецца падвышэнне прывабнасці пасажырскіх перавозак, як у межах Беларусі, так і ў міжнародных зносінах; узмацненне транспартных сувязяў Беларусі з краінамі Еўразвязу.
Са станцыі Менск-Пасажырскі цягнік адпраўляецца раніцай у 06.56 і прыбывае ў Гародню ў 11.26. Цягнік робіць тры прыпынкі – у Маладэчне, Лідзе і Мастах.
Беларускае Радыё Рацыя
Глядзіце таксама
