У Баранавічах суд прыпыніў рашэнне пра высылку мясцовага актывіста
У Баранавічах суд прыпыніў рашэнне пра высылку мясцовага актывіста, аднак яго ўжо дэпартавалі ў Расею.
Алег Малашчанка атрымаў позву з’явіцца ў суд 14 студзеня, але яшчэ 30 снежня яго дэпартавалі ў Расею, пашпарт якой ён мае, хоць з 2004 года жыве ў Баранавічах, піша “Інтэкс-прэс”.
Першага снежня Малашчанка падаў апеляцыйную скаргу на рашэнне аддзела па грамадзянстве і міграцыі Баранавіцкага ГАУС па яго высылцы ў Берасцейскі абласны суд. Гэты суд рашэнне пра высылку прыпыніў, але яшчэ да рашэння суда, мужчыну дэпартавалі.
Сям’я Малашчанкаў удзельнічала ў шэрагу нацыянальных праектаў у Баранавічах, дамаглася адкрыцця беларускамоўнага класа ў горадзе. Пасля прэзідэнцкіх выбараў улады палічылі Алега Малашчанку адным з завадатараў страйку на 558-м авіярамонтным заводзе.
Беларускае Радыё Рацыя
Глядзіце таксама
