У Баранавічах выратавалі мужчыну, якога засыпала грунтам
У Баранавічах выратавалі мужчыну, якога засыпала грунтам пры правядзенні земляных работ па пракладцы водаправоднай трубы.
Як паведаміў БелаПАН афіцыйны прадстаўнік Берасцейскага абласнога ўпраўлення МНС Сяргей Машноў, інфармацыя пра здарэнне ў двары прыватнага жылога дома на вуліцы Зацішнай паступіла баранавіцкім ратавальнікам 3 ліпеня ў 18.36.
Работнікі МНС пры дапамозе шанцавага інструмента дасталі з траншэі цалкам засыпанага зямлёй 46-гадовага мужчыну. Ён шпіталізаваны ў Баранавіцкую гарадскую бальніцу з папярэднім дыягназам „сіндром здушвання”.
Пацярпелы — сын гаспадыні дома.
