У беларусаў з’явіліся патрыятычныя налепкі на аўтамабілі
У Беларусі ў продажы з’явілася серыя патрыятычных налепак для аўтамабіляў.
Налепкі „Дзякуй Богу за перамогу!”, „Я памятаю, я ганаруся!” спалучаны з рознымі гераічнымі датамі ў гісторыі Беларусі — паўстаннем Кастуся Каліноўскага, абвяшчэннем незалежнасці 25 сакавіка 1918 года і 27 ліпеня 1990 года, бітвай пад Воршай і іншымі слаўнымі датамі.
Налепкі выйшлі ў фармаце для бакавога шкла і для задніх дзвярэй ці бампера. Налепка на бакавое шкло клеіцца вонкавым бокам, што гарантуе яе бяспеку і працяглае выкарыстанне.
Набыць гэтую прадукцыю можна на сядзібе Партыі БНФ ці ў інтэрнэт-краме symbal.by.
