1. РАЦЫЯ
2. Грамадства
3. У Беларусі 10 новых палітвязняў

У Беларусі 10 новых палітвязняў

22 сакавіка беларускія праваабаронцы прызналі палітвязнямі яшчэ 10 чалавек.

Праваабаронцамі атрыманая інфармацыя пра наступных асобаў, пазбаўленых волі за абразу прэзідэнта, прадстаўнікоў улады (супрацоўнікаў міліцыі), суддзяў і знявагу дзяржаўных сімвалаў:

1. Валерый Ларчык, асуджаны па арт. 368 КК за абразу А.Лукашэнка да двух гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;
2. Раман Скапцоў, асуджаны па арт. 368 КК за абразу А.Лукашэнка да двух гадоў і 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;
3. Мікалай Сасноўскі, асуджаны па арт. 369 КК за абразу прадстаўніка ўлады да аднаго года і 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;
4. Аляксандр Сафонаў, асуджаны па арт. 369 КК за абразу прадстаўніка ўлады да двух гадоў і 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;
5. Віталь Маскалёў асуджаны па арт. 369 КК за абразу прадстаўніка ўлады і арт.364 за пагрозу прадстаўніку ўлады гвалтам (у каментары ў сацыяльнай сетцы выказаў мяркаванне, якое не змешчала прамых пагроз) да трох гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;
6. Наталля Сцепанцова, асуджана па арт. 369 КК за абразу прадстаўніка ўлады да двух гадоў абмежавання волі з накіраваннем у папраўчую ўстанову адкрытага тыпу, накіравана для адбыцця пакарання;
7. Аляксандр Лобан, ўзяты пад варту па абвінавачванні па арт. 130 КК за распальванне варожасці – каментар у сацыяльнай сетке па “справе Зельцара”;
8. Віталь Марухленка, ўзяты пад варту па абвінавачванні па арт. 130 КК за распальванне варожасці – каментар у сацыяльнай сетке па “справе Зельцара”.
9. Андрэй Акушка, ўзяты пад варту па абвінавачванні па арт.368 і 369 за абразу А.Лукашэнка і прадстаўніка ўлады;
10. Дзмітрый Качаноўскі, асуджаны па арт. 370 КК за здзек над дзяржаўнай сімволікай і па арт. 369 КК за абразу прадстаўніка ўлады да трох гадоў адмежавання волі з накіраваннем у папраўчую ўстанову адкрытага тыпу, накіраваны для адбыцця пакарання.

Агулам у Беларусі прызнаны палітзняволеным ужо 1101 чалавек. Праваабарончая супольнасць Беларусі патрабуе неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.