У Беларусі пацверджаныя шэсць выпадкаў каронавіруса
У Беларусі пацверджаныя яшчэ два выпадкі каронавіруса COVID-19, паведаміла журналістам прэс-сакратар Міністэрства аховы здароўя Юлія Барадун.
„Два выпадкі, пра якія ўчора казалі як пра магчымыя, сёння пацверджаныя лабараторна”, — зазначыла яна.
Усяго ў Беларусі зафіксаваныя шэсць выпадкаў каронавіруса: чатыры — у Менску, два — у Віцебскай вобласці.
Як паведамлялася раней, на каранціне ў сталічнай інфекцыйнай бальніцы знаходзяцца пяць чалавек. Пацверджаныя два выпадкі: у студэнта з Ірана і яго будучага цесця. Таксама ў бальніцы знаходзяцца дзяўчына іранца, яе маці і сястра. У Віцебску на каранціне знаходзяцца работніца футравага камбіната (вірус пацверджаны), яе муж і дзеці.
Пра першы выпадак выяўлення каронавіруса Міністэрства аховы здароўя абвясціла 28 лютага (у іранскага студэнта).
belapan.by
