У Беларусі прызналі 7281 выпадак COVID-19, плюс 558 за дзень
Міністэрства аховы здароўя Беларусі 22 красавіка апублікавала ў сваім Telegram-канале статыстыку распаўсюду COVID-19 у Беларусі.
Паводле міністэрства, на раніцу 22 красавіка ў Беларусі:
- агулам 7281 выпадак інфікаваньня людзей новым каронавірусам зафіксаваны з пачатку эпідэміі;
- памерлі 58 пацыентаў з выяўленай каронавіруснай інфекцыяй, якія, як сцвярджае міністэрства, мелі «шэраг хранічных захворванняў»;
- паправіліся і выпісаныя 769 пацыентаў, плюс 192 за дзень;
- гэта значыць, зафіксавалі за дзень 558 новых выпадкаў і 3 новыя смерці;
- ад пачатку эпідэміі праведзена 114 955 тэстаў на каронавірус, іх робяць у 25 дзяржаўных і прыватных установах, за дзень правялі 6410 тэстаў, што на чатыры сотні больш, чым у мінулы дзень
- колькасьць пацыентаў у цяжкім ці крытычным стане, а таксама колькасць хворых, выпраўленых дамоў на «амбулаторнае лячэнне», не паведамляецца.
Фота zviazda.by
