У Беларусі стартуе Тыдзень супраць смяротнага пакарання

таму

Выдрукаваць Пракаментаваць (0) Падзяліцца

Традыцыйна, з 5 па 10 кастрычніка, у Беларусі праходзіць Тыдзень супраць смяротнага пакарання. Гэтым разам правабаронцы і прыхільнікі адмены смяротнага пакарання прыцягнуць увагу грамадскасці да ўмоў утрымання зняволеных у камерах смяротнікаў.

Кампанія „Праваабаронцы супраць смяротнага пакарання ў Беларусі” прапануе наступную афішу мерапрыемстваў.

5 кастрычніка

Віцебск. Фестываль “Рок за жыццё”. Музыкі ў падтрымку ўвядзення мараторыя на смяротнае пакаранне (Re1ikt, Разбітае сэрца пацана, Teleport і Nizkiz). Дзе? Віцебск. Бітлз-клуб “Чардачок”, вул. Кастрычніцкая,12. Пачатак у 20:00.

6 кастрычніка

Вішнева, Валожынскі раён. Касцёл Найсвяцейшай Панны Марыі. Імша, прысвечаная Святому Аброзію Медзіяланскаму (340-397г.г). Святы Аброзій вядомы тым, што выступаў супраць смяротнага пакарання. Пачатак ў 12:00.

7 кастрычніка

Менск. Фестываль “Рок за жыццё”. Музыкі ў падтрымку ўвядзення мараторыя на смяротнае пакаранне (Nizkiz, “Петля Пристрастия”, “Мутнаевока”, SnopSnoŭ і Teleport). Дзе? RE:PUBLIC. Мінск, вул. Прытыцкага, 62. Метро – станцыя “Кунцаўшчына”. Пачатак у 17:30.

8 кастрычніка

Менск. Паказ фільма па тэме смяротнага пакарання з абмеркаваннем і ўдзелам актывістаў кампаніі “Праваабаронцы супраць смяротнага пакарання ў Беларусі” і Валанцёрскай службы „Вясны”.

9 кастрычніка

Гомель, Слуцк. Паказы фільмаў па тэме смяротнага пакарання з абмеркаваннем і удзелам праваабаронцаў і актывістаў кампаніі “Праваабаронцы супраць смяротнага пакарання ў Беларусі” Андрэя Палуды і Паліны Сцепаненка.

10 кастрычніка

Менск. Прэзентацыя выставы “Кожны мае права ведаць свае правы”. Відовішча з удзелам вядомай мастачкі і перформера Таццяны Тур. Перфоманс, прысвечаны праблеме смяротнага пакарання, распавядзе аб пакутах родных і блізкіх асуджаных. Месца – Амбасада Літоўскай рэспублікі.

Стасбург. Выступ праваабаронцы Валянціна Стэфановіча на тэму смяротнага пакарання ў Камітэце па прававых пытаннях і правах чалавека ПАСЕ Савета Еўропы. Пачатак у 14-00 па мясцовым часе.

16-ты Сусветны дзень супраць смяротнага пакарання: Умовы ўтрымання ў камерах смяротнікаў. 10 кастрычніка Сусветная кааліцыя супраць смяротнага пакарання прыцягне ўвагу грамадскасці да ўмоў утрымання зняволеных у камерах смяротнікаў і прапануе Дзесяць варыянтаў дзеянняў, як вы можаце далучыцца да барацьбы супраць смяротнага пакарання.

Цягам дня праваабаронцы і актывісты правядуць на вуліцах рэгіянальных гарадоў інфармацыйныя акцыі з нагоды Сусветнага дня супраць смяротнага пакарання.

Сачыць за афішамі асобных мерапрыемстваў можна на сайце spring96.org, у сацыяльных сетках: facebook, twitter, ВКонтакте.