Масавыя затрыманні падчас „Маршу справядлівасці” ў Менску
У Менску прайшоў „Марш справядлівасці”. У сталіцы дзясяткі затрыманых.
У акцыі прыняло ўдзел каля 150 тысяч чалавек.
Фота: Францішак Цярэшка
18.50. Калона людзей на праспекце сышла. Метро «Плошча Якуба Коласа» пакуль не працуе.
18.40. Затрымліваюць людзей, што ўжо разыходзіліся ад Якуба Коласа ў бок Акадэміі навук. Дзясяткі затрыманых.
18.30. На праспекце Незалежнасці пачаліся затрыманні каля гімназіі №23. Пад’ехалі міліцэйскія бусы. Марш падзяліўся на калоны. Людзі стараюцца сыходзіць вялікімі групамі.
18. 15. На плошчы Змітрака Бядулі праходзяць масавыя затрыманні.
Да сілавікоў падышло падмацаванне. Людзі ідуць вуліцай Казлова ў бок плошчы Змітрака Бядулі. Сілаікі паціху адцясняюць пратэстоўцаў.
Пратэстоўцы дайшлі праспектам да вуліцы Казлова, там стаяць спецназаўцы са шчытамі і з сістэмай „Рубеж”, а таксама іншай спецтэхнікай.
Людзі дайшлі да плошчы Якуба Коласа, запаўняюць прастору вакол помніка. Bыходзяць на праспект Незалежнасці, на праезную частку — і ідуць у бок плошчы Перамогі. Плошча Якуба Коласа цалкам запоўненая ўдзельнікамі маршу.
* * *
Сілавікі не далі дэманстрантам выйсці на праспект Незалежнасці.
Калона беларускіх спартоўцаў на Маршы.
Фота: Радыё Свабода
Няміга цалкам запоўненая пратэстоўцамі. На падыходах да праспекту Незалежнасці — сілавікі. У акцыі бярэ ўдзел каля 150 тысяч чалавек.
Людзі збіраюцца ля Стэлы. Тут ужо некалькі дзясяткаў тысяч чалавек.
У Менску праходзяць кропкавыя затрыманні, у тым ліку – на Нямізе.
Ужо зачыненыя станцыі метро Якуба Коласа, Няміга, Купалаўская і Кастрычніцкая, а таксама Плошча Перамогі, перакрыты праспект Пушкіна.
Пратэстоўцы плануюць сабрацца каля Стэлы «Менск — горад-герой», а затым ісці да будынка Вярхоўнага суда.
У раён Вярхоўнага суда і Палаца Незалежнасці ў Менску сцягнутыя спецтэхніка і жывая сіла.
Фота: svaboda.org
* * *
Сёння ў Беларусі а 14-й адбудуцца „Маршы справядлівасці”. Паводле традыцыі, найбуйнейшы чакаецца ў сталіцы. Спачатку людзі традыцыйна збіраюцца ў вялікія калоны ў сваіх раёнах, злучаюцца на вызначаных загадзя месцах і разам крочаць у цэнтар горада.
У сталічным мікрараёне Каскад цяпер адбываецца сустрэча жыхароў, абмеркаванне сітуацыі і супольны выхад а 14 да Стэлы на Марш.
Фота: Францішак Цярэшка
У раён Палаца Незалежнасці, як і ў мінулыя нядзелі, прыехалі каля 10 БТРаў, а таксама машыны з калючым дротам і вадамёты. Пра гэта паведамляюць РИА Новости.
Фота: срыншот з відэа РИА Новости.
Беларускае Радыё Рацыя
