У Беларусі ў 11 рэгіёнах забаронена наведваць лясы
У Беларусі ў 11 рэгіёнах забаронена наведваць лясы, а ў буйных рэках назіраецца змяншэнне вады. Ужо зафіксавана высокае паніжэнне вады ў Піне, Бярэзіне ды Дняпры.
Усё гэта вынік устойлівага сухога надвор’я і анамальна цёплай зімы. Міністэрства па надвычыйных сітуацыях паведамляе, што станам на 8 чэрвеня ў краіне адбылося амаль 300 лясных пажараў, гэтая лічба ўжо перавышае леташнія лічбы.
Супрацоўнік пінскага лясгасу Аляксей Прылоўскі адзначыў, што такія меры абгрунтаваныя, бо ў асноўным пажары ў лясах адбываюцца па віне чалавека:
– Пачалося гарачае сухое надвор’е, людзі выходзяць у лес, гатуюць шашлыкі, пакідаюць агонь не пагашаным – і гэта асноўная прычына пажараў. Курэнне ў лесе таксама можа прывесць да лясного пажару. Адказныя асобы нясуць крымінальную адказнасць.
Выратавальнікі кажуць, што змагацца з ляснымі пажарамі па аб’ектыўных прычынах вельмі складана, таму лепш папярэдзіць узгаранне.
Беларускае Радыё Рацыя
Глядзіце таксама
