У Беларусі выбіраюць лепшую аграсядзібу
На званне лепшай аграсядзібы Беларусі-2015 прэтэндуюць пяць гаспадароў з Берасцейшчыны.
Сярод намінацый ёсць адраджэнне традыцый і папулярызацыя гістарычнай спадчыны, а таксама беларуская нацыянальная кухня.
Уладальнік аграсядзібы на Піншчыне Уладзімір Фабішчэўскі мяркуе, што кожная аграсядзіба павінна мець нейкую сувязь з гісторыяй мясцовасці, дзе знаходзіцца:
– Я думаю, што без гісторыі, без гістарычных каранёў нічога не можа быць таму, што трэба не забываць у якім княстве ці дзяржаве мы жылі. Цікавасць ёсць не проста ў гарадскіх жыхароў, іх дзеці і ўнукі прыходзяць і пачынаюць цікавіцца тым, што не цікавіла іх бацькоў.
На Берасцейшчыне зарэгістравана больш за 300 аграсядзібаў, гэта трэці паказчык па краіне. Абласное ўпраўленне спорта і турызма дае інфармацыю, што летась паслугамі берасцейскіх аграсядзябаў скарысталіся звыш 41 тысячы чалавек.
Пятро Савіч, Беларускае Радыё Рацыя
