У Беларусі заблакавалі сайт з апавяданнямі пацярпелых ад дзеянняў сілавікоў
У Беларусі заблакавалі сайт праекта «Жнівень 2020», на якім журналісты публікавалі гутаркі з людзьмі, якія пацярпелі ад дзеянняў сілавікоў падчас пратэстаў пасля прэзідэнцкіх выбараў. Зараз рэсурс не адкрываецца з тэрыторыі Беларусі.
Афіцыйная фармулёўка гучыць так: «Доступ да рэсурсу абмежаваны на падставе пункта 11 Палажэння аб парадку абмежавання доступу да інфармацыйных рэсурсаў (іх састаўным частках), размешчаных у глабальнай кампутарнай сетцы Інтэрнэт», напісана ў паведамленні.
Журналісты «Жніўня 2020» у сваім телеграм-канале падзякавалі герояў публікацый, а таксама сваіх чытачоў. Акрамя таго, яны нагадалі, што чытаць матэрыялы рэсурсу па-ранейшаму можна выкарыстоўваючы VPN.
Нагадаем, следчы камітэт завяршыў праверку па зваротах грамадзян, якія пацярпелі ад жорсткасці сілавікоў падчас затрымання на мірных акцыях і ў месцах пазбаўлення волі – у ІЧУ і ЦІП ГУУС Менгарвыканкама. Як заявіла прэс-служба ведамства, названыя ў іх факты свайго пацверджання не знайшлі, па выніках праверкі ва ўзбуджэнні крымінальнай справы адмоўлена.
