У Беларусі зарэгістравана яшчэ 887 хворых на каронавірус
За дзень зарэгістравана 887 афіцыйных выпадкаў каронавіруса. Міністэрства аховы здароўя запэўніла, што ў Менску і вобласці захворванне каронавірусам пайшла на спад.
Актуальны стан мераў і падзей на сёння ў беларускай сталіцы прадставіць наш карэспандэнт Вольга Сямашка:
– Платнае экспрэс-тэставанне на каронавірусную інфекцыю зусім хутка будуць рабіць у дзяржаўных сталічных паліклініках.
СААЗ раіць краінам ЕЗ дазволіць людзям перасякаць мяжу Еўразвяза з даведкай, дзе пазначана, што ў чалавека няма інфекцыі. Міністэрства аховы здароўя запэўніла, што такі дакумент распрацаваны і будзе выдавацца па запыце. Паслуга платная – 41 рубель за даведку з тэстам.
Рэспубліканскі саюз прамыслоўцаў і прадпрымальнікаў у Менску папрасіў ўрад і Нацбанк растлумачыць неабходансць пераводу рахункаў прадпрыемстваў у дзяржбанкі.
Бібліятэка Гётэ-Інстытута прывозіць менчукам кнігі пасля папярэдняй апрацоўкі дэзсродкамі.
Беларускае Радыё Рацыя, Менск
