У Берасці адзначылі Дзень незалежнасці Украіны
Дзень незалежнасці Украіны адзначылі ў Берасці актывісты ініцыятывы “За наш горад!”. Разам з прадстаўнікамі дыпламатычнай місіі і мясцовымі ўладамі яны ўсклалі кветкі да помніка Тараса Шаўчэнкі.
Па завяршэнні адбыўся кароткі мітынг, расказвае палітык Ігар Маслоўскі:
– Мы віншуем украінскі народ з днём незалежнасці. Для кожнай краіны Дзень незалежнасці – гэта найвялікшае свята. Таму ў гэты дзень мы жадаем міра, дабра, росквіту Украіне і ўсяму ўкраінскаму народу.
Падчас выступаў удзельнікі акцыі адзначылі, што Украіну і Беларусь звязвае сумеснае гістарычнае мінулае, сучаснае супрацоўніцтва і добрасуседскія адносіны.
Беларускае Радыё Рацыя
Фота з Фэйсбука Ігара Маслоўскага
