У Берасці актывісты руху „За свабоду” раздавалі маскі
Маскі і памяткі пра прафілактыку каронавіруснай інфекцыі раздавалі ў Берасці. Ініцыятары акцыі — прадстаўнікі руху „За свабоду”.
Актывісты спрабавалі прыцягнуць увагу да неабходнасці абароны ад COVID-19, — распавёў праваабаронца, актывіст руху „За свабоду” Раман Кісляк:
– У горадзе Берасці, на вуліцы Савецкай, каля ЦУМу актывісты руху „За свабоду” раздавалі аднаразовыя і шматразовыя жоўтыя медычныя маскі. Берсцейцам таксама раздавалі памяткі, правілы паводзінаў, гігіены ў перыяд эпідэміі каронавіруса. Гэта акцыя была накіраваная на тое, каб звярнуць увагу на тое, што неабходна насіць маскі ды забяспечвацца ад гэтай эпідэміі.
Жоўтыя маскі былі са словам „Жыць” — гэта падтрымка берасцейцаў у той барацьбе, якую яны вядуць супраць будаўніцтва акумулятарнага заводу, падагульніў Раман Кісляк.
Беларускае Радыё Рацыя, Берасце
Глядзіце таксама
