У Берасці арыштавалі шасцярых, каб не ўцяклі за мяжу
Суд над трэцяй часткай абвінавачаных у «масавых беспарадках» у горадзе летась 10 жніўня пачнецца нанава. Такое рашэнне прынялі ў сувязі з заменай народнага засядацеля. Раней судовыя пасяджэнні неаднаразова пераносіліся ў сувязі з хваробай абвінавачаных. У выніку іх справы вырашылі вынесці ў асобную вытворчасць.На лаве падсудных сярод трэцяй часткі абвінавачаных у «беспарадках» 12 чалавек. З іх палова (Раман Гваздзелка, Дзяніс Жук, Юры Кузьміч, Антон Сотнікаў, Аляксандр Цялешман, Дзмітрый Тур) цягам некалькіх месяцаў знаходзяцца ў СІЗА № 7.
Астатніх шэсць асобаў (Мікіта Ганчароў, Вадзім Жылінскі, Арцём Клімчук, Дзмітрый Князеў, Дзмітрый Панько, Глеб Раманаў, непаўналетні Максім Шатохін) не змяшчалі ў ізалятар, яны заставаліся на волі. Аднак 19 ліпеня пракурор заявіў хадайніцтва аб заключэнні іх пад варту. Суддзя Святаслаў Каліна хадайніцтва задаволіў, астатніх фігурантаў, за выключэннем непаўналетняга, затрымалі.
Беларускае Радыё Рацыя
Глядзіце таксама
