Форум прыхільнікаў роварнага руху ў Берасці
Сустрэча роварнага клуба і роварнай ініцыятывы ў Берасці. Упершыню на форум сабраліся прадстаўнікі васьмі арганізацый ды ініцыятывавў, звязаных з роварным рухам. Сярод удзельнікаў – прадстаўнікі інфармацыйна-асветніцкай ўстановы ’’За вела Берасце’’, інфармацыйнага парталу ’’Віртуальны Брэст’’ ды іншыя. Па выніках сустрэчы прынятая заява, якая трапіць у СМІ. Расказвае адзін з арганізатараў форуму – Уладзімір Красько:
– Людзі пазнаёміліся, прадставілі свае ініцыятывы і планы, а таксама запланавалі сумесныя мерапрыемствы. Дамовіліся стварыць сумесную інфармацыйную пляцоўку і на ёй ужо ажыццяўляць сумесныя мерапрыемствы. Бліжэйшае мерапрыемства, якое было запланаванае на сустрэчы, – гэта гарадское адкрыццё веласезону 26 красавіка.
Прадстаўнікі роварных клубаў выказваліся пра неабходнасць супольнай каардынацыі сваіх дзеянняў. Па выніках форуму таксама прынятае рашэнне пра стварэнне інфармацыйнай пляцоўкі для камунікацыі і планавання агульнай дзейнасці.
Беларускае Радыё Рацыя, Берасце
Фота Аляксандра Шульгача
Глядзіце таксама
