У Берасці судзяць па „карагоднай справе”
Суд у 9-й і 10-й частцы абвінавачваемых па карагоднай справе пачнецца ўжо сёння, 25 кастрычніка ў Берасці. Справы вырашылі аб’яднаць у адну.
Судовае пасяджэнне пройдзе па адрасе праспект Машэрава, 8.
Прадстаўнікі праваабарончай супольнасці заклікаюць прыйсці і падтрымаць фігурантаў „карагоднай справы”. Важна мець пры сябе пашпарт і маску.
Перад судом стануць 16 асобаў – жыхароў Берасцейшчыны. Сярод іх Ганна Баран, Аляксандр Вялічка, Вольга і Руслан Гачынскія, Уладзімір і Кацярына Ганчаровы, Сяргей Ярошкін, Павал Краўчук, Вераніка Клімовіч, Валянціна Корсак, Сяргей Лапко, Цімур Ломпік, Таццяна і Аляксандр Паўлючык, Аляксей і Святлана Якімовіч.
Усе гэтыя асобы праходзяць па частцы 2 артыкула 342 Крымінальнага кодэкса Рэспублікі Беларусь або грубае парушэнне грамадскага парадку.
Беларускае Радыё Рацыя
