У Берасці ўсклалі кветкі на плошчы Свабоды да помніка “Вызваленне”
Ініцыятарамі правядзення акцыі да 70-годдзя з Дня вызвалення Берасця ад нямецка-фашысцкіх захопнікаў выступілі актывісты кампаніі “Гавары Праўду!” разам з сябрамі Берасцейскай абласной арганізацыі Беларускай сацыял-дэмакратычнай партыі (Грамада).
Адная з арганізатараў мерапрыемства Святлана Алесюк распавяла пра тое, у чым актуальнасць на сённяшні дзень такой акцыі:
– Гэта даніна нашай павагі салдатам і афіцэрам, якія вызвалілі нашу краіну, наш горад. На жаль, чалавецтва не вынесла ўрокаў з гэтай страшнай трагедыі, калі канфлікты вырашаюцца сілай зброі. Мы не прыхільнікі гэтага.
“Нашая пазіцыя – любыя перамены, якія адбываюцца ў грамадстве павінны ажыццяўлены мірным шляхам, а не з дапамогаю зброі”, – адзначыла актывістка.
Беларускае Радыё Рацыя, Берасце
