У Берасці ўжо трое затрыманых
Стала вядома пра затрыманне яшчэ аднаго прадстаўніка ініцыятыўнай групы праціўнікаў будаўніцтва акумулятарнага завода кампаніі «АйПаўэр» пад Берасцем. Гаворка ідзе пра Дзмітрыя Андрасюка.
На фота: Дзмітрый Андрасюк
Паводле праваабаронцы Рамана Кісляка, хлопец накіроўваўся з Берасця ў вёску на выходныя і па дарозе быў спынены:
– У 9.30 ён паведаміў у тэлеграм-чаце праціўнікаў акумулятарнага завода пра тое, што яго затрымалі. Пасля гэтага ён перастаў быў дасяжным па тэлефоннай ды іншай электроннай сувязі. Затрымалі меркавана ў Берасцесйкім раёне. Я мяркую, што за ўдзел у акцыі.
Такім чынам на дадзены момант вядома што затрыманыя як мінімум трое прадстаўнікоў ініцыятыўнай групы праціўнікаў акумулятарнага завода: Дзмітрый Бекалюк, Аляксандр Кабанаў і Дзмітрый Андрасюк. Усе яны прымалі ўдзел у нядзельнай акцыі пратэсту супраць запуску дадзенай вытворчасці.
Беларускае Радыё Рацыя
Глядзіце таксама
