У Берасці ўзмацняецца кантроль за эпідэміялагічнай сітуацыяй
Новыя дадзеныя па колькасці хворых на каронавірус на Берасцейшчыне адсутнічаюць.
Але на прадпрыемствах гораду ды вобласці ўзмацняецца кантроль за эпідэміялагічнай сітуацыяй:
– Да павышаных мераў бяспекі на вытворчасці адносіцца дэзінфекцыя памяшканняў, нашэнне масак і наяўнасць антысептыкаў. Уведзена абавязковая праверка на знаходжанне на тэрыторыі выключна супрацоўнікаў, якія маюць адносіны да вытворчасці. Маскі і пальчаткі павінны мяняцца кожныя дзве гадзіны.
Таксама працоўных, як і студэнтаў, па магчымасці заклікаюць не карыстацца грамадскім транспартам, а перасоўвацца пешшу ці на ровары.
Некалькі дзён таму Берасцейскі тэхнічны ўніверсітэт быў пераведзены на дыстанцыйнае навучанне. Наведвальнасць у адукайных установах гораду па-ранейшаму трымаецца на ўзроўні 30-40 працэнтаў.
Аліса Поль, Беларускае Радыё Рацыя, Берасце
