У Берасці з узламанага банкамата выкрадзена буйная сума грошай
Як паведаміла БелаПАН афіцыйны прадстаўнік упраўлення Следчага камітэта па Берасцейскай вобласці Марына Дранькова, паводле папярэдніх дадзеных, крадзеж грошай шляхам узлому банкамата ўчынены ў ноч на 8 сакавіка.
Банкамат умантаваны ў сцяну аднаго з будынкаў з арандаванымі памяшканнямі па вуліцы Суворава.
Інфармацыя аб гэтым злачынстве паступіла ў праваахоўныя органы раніцай 9 сакавіка ад работнікаў аб’ектаў гандлю, якія не змаглі адкрыць ўваходныя дзверы ў гэты будынак.
Цяпер праводзіцца агляд месца здарэння следчымі сумесна са спецыялістамі Дзяржаўнага камітэта судовых экспертыз.
Для высвятлення асобы зламыснікаў праводзіцца комплекс аператыўна-вышуковых мерапрыемстваў. Дакладная сума нанесенай шкоды высвятляецца. Вырашаецца пытанне аб распачынанні справы па арт. 205 КК (крадзеж).
belapan.by
