У Берасці збіраюць подпісы ў абарону ракі Мухавец
У Берасці распачалі збор подпісаў у абарону ракі МУхавец. Актывісты кампаніі “Гавары праўду” выступаюць супраць прыватызацыі часткі берагу, якую мясцовая ўлада здала прыватнаму ўласніку ў арэнду. Яны перакананыя, што адзіным гаспадаром Мухаўца могуць быць толькі беларускія грамадзяне, кажа актывіст кампаніі Ігар Маслоўскі:
– Пачынаем такую самую якасную і самую працаёмкую частку кампаніі ў абарону ракі Мухавец – гэта збор подпісаў. Подпісы будзем збіраць рознымі шляхамі, безумоўна на офісе тых арганізацый, якія падтрымалі гэтую кампанію: “Гавары праўду”, Беларуская сацыял-дэмакратычная партыя “Грамада”, Свабодны прафсаюз, праваабаронцы з Беларускага Хельскінскага камітэта – гэта звычайныя рыбакі і звычайныя жыхары нашага горада і ў цэлым вобласці.
Актывісты ўпэўненыя, што арэнда часткі берагу ракі – супярэчыць дзеючаму заканадаўству, а таксама незаконны адлоў рыбы ў ёй можа стаць прамым парушэннем Закона “Аб ахове навакольнага асяроддзя”.
Беларускае Радыё Рацыя
