У Берасці з’явіліся беларускамоўныя білборды ДАІ
У Берасці з’явіліся беларускамоўныя білборды ДАІ з тэкстам: “Беларусы, будзьце прыкладам для гасцей – прышпіліцеся”.
Ініцыятыва была заўважаная карыстальнікамі сацсетак ля берасцейскага чыгуначнага вакзала.
“Акцыя ладзіцца з мэтай прасоўвання бяспекі дарожнага руху з удзелам дзяцей”, – паведамляе начальнік аддзялення агітацыі ДАІ Наталля Сахарчук:
– Вельмі шмат ёсць кіроўцаў-бацькоў, якія дагэтуль правозяць дзяцей з парушэннямі правілаў без дзіцячых прытрымліваючых прыстасаванняў. Бывае так: бацькі самі прышпілены і трымаюць дзяцей на руках, а гэта катэгарычна забаронена. І вельмі добра, што нашых бігбордаў будзе ўсё больш і больш на нашай роднай беларускай мове на дарогах Берасцейскай вобласці.
“Бяспека дзецей – гэта прыярытэтная каштоўнасць. Што датычна мовы, то справа ў тым што мы проста абавязаны яе пашыраць і па мажлівасці на ёй размаўляць”, – зазначае Наталля Сахарчук.
Беларускае Радыё Рацыя
Фота з facebook Змітра Назарава
