У Бярозаўцы прайшоў экалагічны флэш-моб
У Бярозаўцы прайшоў экалагічны пікет. Група неабыякавых людзей апранулі на твар медыцынскія распіратары і такім чынам моўчкі нагадалі жыхарам і гасцям горада аб існуючай праблеме забруджвання паветра шкоднымі выкідамі вытворчасці шкловаты. Інсталяцыя доўжылася каля хвіліны, пасля чаго беразаўчане спакойна разышліся па сваіх справах. Па словах удзельнікаў флэш-мобу, толькі такім чынам можна абсалютна не парушаючы правапардку выказацца наконт экалагічнай праблемы ў горадзе.
Удзельнік флэш-мобу:
– Ну сэнс які? Мы пастаім, паглядзім. А яны робяць, што хочуць. І нічым мы ім не дапаможам.
РР: Але вы прыйшлі сёння, не пабаяліся.
– Канешне. А чаго я павінен баяцца? Я што, недзе за мяжой жыву. Гэта мае ўнукі, мае дзеці, мае праўнукі. Я прыйшоў, каб не было гэтага бардака, гэтай брыдоты.
Нагадем, што роўна тыдзень таму, так сама ў Бярозаўцы, прайшоў экалагічны пікет супраць шкодных выкідаў вытворчасці шкловаты, якая размешчаная ў цэнтры горада. Праз некаторы час за гэта на грамадскага актвіста Вітольда Ашурка быў складзены пратакол і справа накіраваная ў суд Лідскага раёна.
[Not a valid template]
Беларускае Радыё Рацыя
Глядзіце таксама
