У Бярозе не дазволілі пікет на Дзень Волі
Бярозаўскія праваабаронцы і грамадскія актывісты не змогуць правесці пікет на Дзень Волі 25 сакавіка. Ён чарговы раз забаронены. І чарговы раз мясцовая ўлада ў адной з мэтаў пікету ўбачыла распальванне нацыянальнай варожасці. Адзін з заяўнікаў, праваабаронца Сяржук Русецкі лічыць прычыну забароны абсалютна надуманай :
– Якая з мэтаў адзначэння 97-х угодкаў абвяшчэння незалежнасці БНР або патрабавання вызвалення палітвязняў з’яўляецца распальваннем нацыянальнай варожасці, самім нам цяжка здагадацца. Не ведаем, у чым з гэтых 2 пунктаў вертыкальшчыкі знайшлі распальванне нацыянальнай варожасці.
Ужо 18-ты год бярозаўская ўлада не дае магчымасці дэмакратычнай супольнасці правесці масавыя мерапрыемствы. Доўгі час нагодай для адмовы была немагчымасць заключэння дамоваў з патрэбнымі службамі. Амаль 2 гады цягнулася змаганне актывістаў за змену рашэння раённага выканаўчага камітэта згодна з пастановай Савета Міністраў, дзе гаварылася, што з міліцыяй дамаўляецца сам райвыканкам. Цяпер адмоўлена ў чатырох пікетах запар, а прычына адмовы – распальванне нацыянальнай варожасці.
Заяўнікі пікету будуць звяртацца ў суд. Хоць дамагчыся станоўчага выніку праз суд таксама няма надзеі.
Беларускае Радыё Рацыя, Бяроза
Фота salidarnasc.org
Глядзіце таксама
