У чарнобыльскай зоне ў Хойніцкім раёне гарэла 50 гектараў лесу
У чарнобыльскай зоне (Хойніцкі раён) гарэла 50 гектараў лесу.
Як паведамляе Гомельскае абласное ўпраўленне МНС, 12 верасня ў 13.34 ратавальнікі атрымалі выклік на лясны пажар каля вёскі Ломыш Хойніцкага раёна.
Для ліквідацыі пажару былі задзейнічаныя 53 адзінкі тэхнікі і 283 чалавекі, у тым ліку 32 адзінкі тэхнікі і 103 працаўнікі МНС. Верталёт МІ-26 ДААРУ „Авіяцыя” ажыццявіў 10 скідаў вады.
На 6.00 13 верасня пажар лакалізаваны. Плошча, пройдзеная фронтам пажару, складае 50 гектараў.
Паводле звестак Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя, змены радыяцыйнага фону на тэрыторыі Беларусі не адбылося.
Цэнтр гігіены і эпідэміялогіі таксама правёў дадатковыя замеры ў Хойніках, радыяцыйны фон не змяніўся.
Фота gomel.mchs.gov.by
Глядзіце таксама
