У Гарадзенскай вобласці выяўлены чацвёрты выпадак каронавіруса COVID-19
У Гарадзенскай вобласці выяўлены чацвёрты выпадак каронавіруса COVID-19, паведамляе раённая газета «Іўеўскі край».
«Ён дыягнаставаны ў пацыента інфекцыйнага аддзялення Іўеўскай ЦРБ, які знаходзіўся там на лячэнні з папярэднім дыягназам «пнеўманія» , – паведамляе выданне.
У сваю чаргу »Гомельская праўда« паведамляе, што ў Лельчыцах праводзіцца эпідэміялагічнае расследаванне па выяўленні магчымага выпадку COVID-19. «Пацыент шпіталізаваны ў Гомельскую інфекцыйную лякарню, яго кантакты таксама знойдзеныя і знаходзяцца на медыцынскім абследаванні. Больш падрабязная інфармацыя будзе дадзеная пасля завяршэння эпідрасследавання і атрымання ўсіх вынікаў тэставання» , – піша выданне.
У Міністэрстве аховы здароўя пацвердзілі наяўнасць COVID-19 у супрацоўніка сталічнай гімназіі № 5. Паводле слоў прэс-сакратара ведамства Юліі Барадун, бацькам навучэнцаў прапанавана праводзіць ізаляцыю дзяцей у дамашніх умовах.
Раней БелаПАН паведаміў са спасылкай на дырэктара Нацыянальнага акадэмічнага драматычнага тэатра імя Якуба Коласа ў Віцебску пра пацверджаную каронавірусную інфекцыю ў аднаго з акцёраў тэатра.
Звесткі аб новых выпадках каронавіруса ў Беларусі Міністэрства аховы здароўя не падае ўжо трэці дзень. Згодна з данымі на 27 сакавіка, у краіне было пацверджана 94 выпадкі каронавіруса COVID-19.
Глядзіце таксама
