У Гародні абмеркавалі студэнцкае размеркаванне
Гарадзенскі Цэнтр гарадскога жыцця стаў месцам, дзе прадстаўнікі студэнцкіх арганізацый, праўсаюзнікі і праваабаронцы абмеркавалі размеркаванне студэнтаў.
Апроч прадстаўнікоў недзяржаўных арганізацый, таксама былі і студэнты з Купалаўскага ўніверсітэта Гародні. Пра мэты сустрэчы распавядае кіраўнік праграмы размеркавання маладых спецыялістаў БАСС Зміцер Варнашоў, які быў адным з арганізатараў сустрэчы.
– Сабраць у адным месцы ўсе зацікаўленыя бакі размеркавання: студэнтаў, наймальнікаў, грамадзянскую супольнасць, прадстаўнікоў універсітэтаў, каб абмеркаваць, якім павінна быць размеркаванне, куды рухацца, як яго трэба рэфармаваць. Бо апошняя кампанія і мінулыя гады сведчаць, што гэта анахранізм, які ў дзеючым выглядзе ператвараецца ў фармальнасць і нясе больш шкоды і эканоміцы, і адукацыі, і самім універсітэтам.
Для студэнтаў, што прыйшлі на сустрэчу, гэтая тэма была надзвычай актуальнай.
– Такія сустрэчы патрэбны, бо мы можам атрымліваць новую інфармацыю, даведвацца пра тое, чаго не ведалі раней, нават па-за тэматыкай сустрэчы. І мы можам бачыць людзей, якія натхніла мэта, і таксама браць з іх прыклад.
– Гэта важна, бо нам расказваюць пра альтэрнатывы, дзе і што можна знайсці, якім чынам. І пры гэтым усё на прававой аснове, якая сёння вельмі патрэбна для маладога спецыяліста і студэнта, які з’яўляецца выпускніком, каб ведаць, куды можна звярнуцца, як трэба дзейнічаць.
Падобныя сустрэчы, прысвечаныя размеркаванню студэнтаў, адбудуцца ва ўсіх абласных цэнтрах і завершацца ў Менску вялікай канферэнцыяй, на якую плануюць запрасіць прадстаўнікоў Міністэрства адукацыі і прадстаўнікоў улады.
[Not a valid template]
Беларускае Радыё Рацыя, Гародня
Глядзіце таксама
