У Гародні чарговы раз перанеслі суд над журналістам
У суддзе Кастрычніцкага раёну Гародні павінна было адбыцца судовае пасяджэнне над журналістам, рэдактарам newgrodno.by Ігарам Бублікавым.
Журналістаў, якія прыйшлі падтрымаць калегу, не пусцілі ў памяшканне суда, аднак праз 10-ць хвілін выйшаў сам журналіст і паведаміў, што судовае пасяджэнне перанесена:
– Памяняўся суддзя, я папрасіў абарону, хадайніцтва, з нагоды таго, што ён новы суддзя, ён мне яе даў. Перанеслі суд. Было вельмі шмат спраў, за тыдзень я не змог знайсці адваката. Цяпер спадзяюся я яго ўсё ж знайду.
Наступнае пасяджэнне судовага разгляду над журналістам, якога абвінавачваюць ва ўдзеле ў несанкцыянаваным мерапрыемстве, адбудзецца 13-га кастрычніка а 14:30.
Беларускае Радыё Рацыя, Гародня
Фота Сяргея Апановіча
