У Гародні на «Мове Нанова» – мядовы самелье
На гарадзенскіх курсах «Мова Нанова» адбылася сустрэча з адзіным у Беларусі мядовым самелье Вольгай Гаўрылік.
Кіраўніца «Мядовага шляху», фірмы, што вырабляе эксклюзіўны мёд, распавяла што такое быць мядовым самелье:
– Мядовы самелье – гэта чалавек, які навучыўся сенсорнаму аналізу мёду і можа на смак, зрок вызначыць, які мёд перад ім па батанічнай і геаграфічнай прыкмеце.
Вольга Гаўрылік дала некалькі парадаў, як мёд можа быць карысны для кожнага чалавека:
– Мёд паляпшае сон. На ноч узяць з малаком ці з вадой лыжачку мёду, выпіць, і гэта будзе добра на сон. Мёд таксама паляпшае памяць, ён актывізуе працу мозгу. Потым такая парада, бо ідуць хутка святы: калі была добрая вечарына, то раніцай таксама вельмі карысна выпіць шклянку цёплай вады з мёдам. Таксама будзе добра.
Пасля сустрэчы адбылася дэгустацыя мёду, які вырабляе кампанія «Мядовы шлях».
Фота Сяргея Апановіча
Глядзіце таксама
