У Гародні новыя прысуды ўдзельнікам восеньскіх пратэстаў
У Гародні новыя прысуды ўдзельнікам восеньскіх пратэстаў. Чатырох мужчын, Міхаіла Юдзіна, Вадзіма Хіжнякова, Сяргея Яфімовіча ды Андрэя Севяртока, асудзілі паводле артыкулаў Крымінальнага кодэкса. Усіх паводле артыкула 364 частка 1, а Севяртока яшчэ і паводле артыкула 413.
Суддзя Генадзь Мазайла стаў на бок абвінавачання, якое прадставіў пракурор Сяргей Петрашка, і цалкам задаволіў тэрміны зняволення для асуджаных.
За працэсам назіраў праваабаронца Беларускага Хельсінкскага камітэта Раман Юргель:
– Усе абвінавачаныя палічылі віну недаказанай як на этапе следства, так і на судовым пасяджэнні. Толькі Севяртока часткова прызнаў сябе вінаватым.
Цяпер выносяцца такія жорсткія, максімальныя прысуды паўсюдна па краіне, тут няма нічога дзіўнага.
Асуджаныя маюць дзесяцідзённы тэрмін, каб абскардзіць прысуд у калегіі па крымінальных справах Гарадзенскага абласнога суда. Андрэй Севяртока асуджаны на пяць з паловай гадоў калоніі строгага рэжыму, Міхаіл Юдзін на чатыры гады калоніі агульнага рэжыму, а Вадзім Хіжнякоў і Сяргей Яфімовіч правядуць па два з паловай гады ў калоніях агульнага рэжыму. Апрача таго „пацярпелыя” міліцыянты спагоняць дзве тысячы рублёў з асуджаных з пакрыццём выдаткаў на суд.
Якуб Сушынскі, Беларускае Радыё Рацыя
Глядзіце таксама
