У Гародні шукаюць палітыка 90-х Міхася Патрэбу
Міхась Патрэба, адзін са стваральнікаў сацыял-дэмакратычнай арганізацыі ў Гародні, згубіўся, і яго шукае міліцыя.
У міліцэйскай зводцы, якая змешчана ва ўсіх гарадзенскіх СМІ, падаецца, што 75 гадовы мужчына сышоў у лес са свайго лецішча каля вёскі Каробчыцы 14 чэрвеня і пакуль яго месцазнаходжанне невядома.
Міхась Патрэба вядомы ў Гародні выкладчык замежнай мовы, выкладаў у гарадзенскім купалаўскім універсітэце, і доўгі час працаў над вялікім нямецка-беларускім слоўнікам.
Па словах яго калегаў па партыі, Міхась Патрэба апошнія 5-7 год мае праблемы са здароўем і мае дыменцыю.
Сяргей Апановіч, Беларускае Радыё Рацыя, Гародня
Глядзіце таксама
