У Гародні збілі прадзюсара конкурсу Міс Гародня 2015
Невядомыя збілі галоўнага прадзюсара конкурсу „Міс Гародня 2015”. Ігар Ляговiч пасля заканчэння мерапрыемства вяртаўся дахаты і на яго напалі невядомыя. Здарэнне адбылося каля яго дома.
Як паведамляе „Твой стыль”, Ляговіч знаходзіцца ў бальніцы ў аддзяленні нейрахірургіі. Вядома, што ў яго падчас нападу скралі тры мільёны рублёў. Праваахоўнікі праводзяць расследаванне.
Фінал конкурсу „Каралева прыгажосці. Міс Гародня – 2015” прайшоў у абласным драматычным тэатры 22 траўня. Найпрыгажэйшай гарадзенкай стала студэнтка факультэту гісторыі, камунікацыі і турызму Вольга Пазнякевіч.
