У Гародні збіраюць грошы на чацвёртую машыну для Украіны
У Гародні пачаўся збор сродкаў на чацвёртую машыну для ўкраінскіх медыкаў, якія працуюць у зоне антытэрарыстычнай аперацыі на ўсходзе Украіны. Ініцыятарам па Беларусі кампаніі “Беларусь-АТО” з’яўляецца Андрэй Стрыжак.
У Гародні зборам грошай займаецца Дзяніс Івашын:
– Збіраем грошы. Прымаем іх ад усіх гарадзенцаў. Я збіраю сродкі па Гародні. Андрэй Стрыжак – у Гомелі. Таксама ёсць людзі, якія займаюцца гэтым у Менску. Звяртаемся, у прынцыпе, да ўсіх тых, якія раней нам дапамагалі. Гэта перадусім грамадскія актывісты, палітыкі, звычайныя людзі.
Odtwarzacz plików dźwiękowych
Паводле Дзяніса Івашына, трэцяя машына для ўкраінскіх медыкаў, набытая за грошы беларускіх валанцёраў, днямі дастаўлена ў Арцёмаўск, дзе базуецца Першы добраахвотніцкі мабільны шпіталь імя Міколы Пірагова. Апроч грашовай дапамогі, у Гародні таксама збіраюць рэчы ўкраінскім бежанцам. У гэтай справе дапамагае гарадзенскі валанцёр Алесь Кіркевіч.
Беларускае Радыё Рацыя, Гародня
Глядзіце таксама
