У Гародню завітала „Лямцавая батлейка”
„Лямцавая батлейка” дала дзве пастаноўкі ў Гародні. Лялечны спектакль „Мама Му ў басейне” – гэта працяг гісторыі персанажаў твораў швецкай пісьменніцы Юі Вісландэр. Першая пастаноўка была паказана для дзетак і дарослых у капліцы грэка-каталіцкай парафіі Маці Божай Фацімскай.
Сваімі эмоцыямі дзеліцца святар Андрэй Крот.
– Я вельмі задаволены, бо прыйшло шмат гасцей: гэта нашы парафіяне, сябры парафіі, людзі, з якімі мы маем нейкія кантакты. І мы менавіта для іх хацелі стварыць гэтае свята, паказаць наш спектакль. Будуць яшчэ спектаклі ў горадзе, але мы хацелі вось так адмыслова вызначыць сённяшні.
Вераніка Фаміна:
– Гэта маленькі самадзейны праект, які дазваляе хуценька сабрацца, прыехаць і паказаць вясёлы спектакль.
Другая пастаноўка была паказана ў абласной бібліятэцы імя Карскага. Яна была арганізаваная сумесна з дзіцячым хоспісам.
Таксама артысткі „Лямцавай батлейкі” Бэла Кавалькова і Вераніка Фаміна з Менска наведалі рэабілітацыйны цэнтр для дзяцей-інвалідаў.
[Not a valid template]
Якуб Сушчынскі, Беларускае Радыё Рацыя, Гародня
Фота і відэа аўтара
Глядзіце таксама
