У Глыбокім адбылося дэфіле народнага беларускага строя
“Па слядах часу” – дэфіле народнага беларускага строя, пачынаючы з часоў дзясятага стагоддзя адбылася ў Глыбокім. Яно праходзіла падчас этна-вечарыны ў межах пятага міжнароднага “Вішнёвага фэсту” на цэнтральнай плошчы горада.
Акрамя беларусаў у імпрэзе прынялі ўдзел госці з Латвіі, Эстоніі, Ізраіля, Польшчы ды Расеі. Таксама паказаць свае строі і патанчыць народныя танцы прыехалі прадстаўнікі армянскай і паўднёва-карэйскай дыяспар з Менску.
Па словах наведвальнікаў свята, імпрэза ўразіла сваёй яркасцю, каларытам і прыгожымі спевамі ды танцамі.
– Прыемна, што такое мерапрыемства адбываецца ў Глыбокім. Сапраўды прыемна бачыць, што даехалі музыканты з Польшчы, з Эстоніі, з Арменіі. Канешне, хацелася б каб было больш людзей.
– Прыехалі мы ў Глыбокае. Вельмі тут усё прыгожа. Усё зялёнае. Тут вельмі весела. Мы спяваем, танцуем. Вельмі цікава тут.
– Малайцы. Вельмі спадабалася.
РР: Кто найбольш спадабаўся? Чые касцюмы?
– Больш нашы, канешне. У сэнсе, беларусы.
РР: А якія замежныя госці спадабаліся?
– Ізраіль добра спяваў.
Удзельнікі вечарыны з замежжа карагодзілі, развучвалі народныя песні і танцы сваёй мясцовасці разам з глыбачанамі і гасцямі горада. А народны гурт “Цярэшка” з Глыбокага паказаў прысутным жартаўлівае ігрышча “Жаніцьба Цярэшкі” і праспяваў беларускія песні.
[Not a valid template]
Таццяна Смоткіна, Беларускае Радыё Рацыя
Фота аўтаркі
