У Гомелі абмеркавалі адсутнасць незалежнага ТБ і інфармацыйную бяспеку
Журналісты і блогеры з Менска, Хоцімска і некалькіх гарадоў Гомельшчыны абмеркавалі сітуацыю з тэлевяшчаннем у Беларусі.
На мерапрыемстве, арганізаваным Гомельскай філіяй “Беларускай асацыяцыі журналістаў”, уздымалася праблема адсутнасці незалежнага тэлебачання і інфармацыйная бяспека. Журналіст-фрылансер Таццяна Бублікава лічыць ідэю стварэння незалежнага тэлеканала пры цяперашніх абставінах утопіяй.
– Канешне, трэба больш медыя, розных і цікавых. Хай яны будуць, хай канкуруюць, хай у гледача будзе выбар. Пытанне пра фарматы. Фармат тэлебачання – гэта не заўсёды мэтазгоднае рашэнне праблемы. Тэлебачанне, асабліва класічнае, глядзіце на «Белсаце», беларускіх каналах. Гэта заўсёды вельмі рэсурсаёмістае мерапрыемства.
Odtwarzacz plików dźwiękowych
Медыяэксперт Паўлюк Быкоўскі звяртае ўвагу на нерашучасць дзеянняў уладаў Беларусі на спробы абараніць сваю тэлепрастору ад расейскай прапаганды.
– Калі мянялі Закон “Аб СМІ”, то міністр інфармацыі Алесь Карлюкевіч наўпрост сказаў, што задача – абмежаванне замежнага ўплыву на фармаванне нацыянальнага вяшчання. І вось тады было незразумела, пад замежным уплывам меўся на ўвазе той самы «Белсат» ці расейскае ТБ. Яны не расшыфроўвалі. Увогуле, беларускія чыноўнікі не хочуць казаць пра негатыўны ўплыў менавіта расейскага вяшчання.
Odtwarzacz plików dźwiękowych
Днямі эксперты “Беларускай асацыяцыі журналістаў” азнаёмілі грамадскасць з вынікамі маніторынгу расейскай прапаганды. З рэзультатаў даследавання вынікае, што асноўнымі праваднікамі чужога інфармацыйнага ўплыву з’яўляюцца беларускія дзяржаўныя тэлеканалы.
Беларускае Радыё Рацыя, Гомель
Глядзіце таксама
