У Гомелі на ўчастку не вывесілі копію пратакола
У Гомелі на выбарчым участку па Гомельскай-Цэнтральнай акрузе №33 не вывесілі копію пратакола аб выніках галасавання. Назіральнікі накіравалі скаргу ў акруговую камісію.
Прадстаўнік кампаніі „Права выбара” Васіль Палякоў гаворыць, што падобнае ў ягонай практыцы было 15 год таму:
– Год 15-ць таму, калі старшыня наведаў буфет на ўчастку і потым ён не павесіў, з’ехаў і яго ўжо ніхто ўжо не мог знайсці. А тут старшыня вярнуўся і кажа: „Я вывешваў, вы проста не пабачылі”. Сам уцёк перад тым, як вывешваць пратакол і нічога не зрабіў.
Паводле афіцыйных вынікаў галасавання па Гомельскай-Цэнтральнай акрузе перамог праўладны дэпутат, намеснік дэкана юрыдычнага факультэта Гомельскага дзяржаўнага ўніверсітэта Андрэй Злотнікаў.
Беларускае Радыё Рацыя, Гомель
Глядзіце таксама
