У кафэ са сваім спіртным
У Міністэрства антыманапольнага рэгулявання і гандлю ёсць планы дазволіць наведвальнікам аб’ектаў грамадскага харчавання прыносіць з сабой спіртное. Пра гэта заявіў кіраўнік МАРТа Уладзімір Калтовіч у праграме «Галоўны эфір» на тэлеканале «Беларусь 1».
– Такія планы ў нас ёсць. Гэта цалкам дапушчальна, – сказаў Калтовіч, адказваючы на пытанне аб дазволе прыносіць сваё спіртное ў кафэ. – Навошта адзін аднаго падманваць. На вяселле многія прыносяць сваё. Якая праблема гэта зрабіць, калі гаспадар кафэ кажа, што вы можаце прыйсці са сваім спіртным. Галоўнае, каб яно не было кантрафактным.
Міністр нагадаў, што дэкрэт № 7 істотна скараціў пералік санітарных і пажарных нормаў і правілаў для аб’ектаў грамадскага харчавання. Ён лічыць, што новыя правілы дазволяць зрабіць таннейшым кошт уваходжання ў гэты бізнес. Уладзімір Калтовіч упэўнены, што якасць страў і абслугоўвання ад гэтага не пацерпіць. «Мы зыходзілі з таго, што свабодныя ўмовы ўваходжання ў гэты бізнес прыцягнуць ініцыятыўных людзей. Канкурэнцыя прымусіць выжыць наймацнейшага », – адзначыў ён.
Фота gorodkirov.ru
