1. РАЦЫЯ
2. Грамадства
3. У Курапатах ушанавалі памяць ахвяраў камуністычных рэпрэсій

У Курапатах ушанавалі памяць ахвяраў камуністычных рэпрэсій

Актывісты Руху салідарнасці “Разам” ушанавалі памяць ахвяраў камуністычных рэпрэсій у Курапатах і далучыліся да штодзённай Курапацкай варты, якая трывае нават у навагоднія святы.

Гаворыць сустаршыня Руху Алена Талстая:

– У нас – у Курапатах, адбылася акцыя ўшанавання ахвяраў камуністычных рэпрэсіяў. Вялікая падзяка ўсім сябрам Руху салідарнасці “Разам”,  усім неабыякавым, усім прадстаўнікам іншых партый, рухаў, якія прыходзілі на штодзённую варту каля незаконнай, злачыннай забаўляльнай рэстарацыі “Бульбаш-хол”, каб паказаць, што беларусы мусяць адстойваць Курапаты, як сваю святыню. І тут не месца ніякім забаўляльным установам.

Рух салідарнасці “Разам” штомесяц праводзіць акцыі ў Курапатах у памяць 29 лістапада 1937 года, калі ў адну ноч камуністы расстралялі больш за сотню беларускіх палітычных, культурных і навуковых дзеячоў.

[Pokaz zdjęć]

Максім Каўняровіч, Беларускае Радыё Рацыя, Менск   

Глядзіце таксама

Пайшоў з жыцця аўтар сімфоніі «Курапаты» Кім Цесакоў

2018 год праходзіў пад знакам абароны Курапатаў

Менскі абласны суд прызнаў законным штраф Рымашэўскаму за Курапаты

Суд часткова задаволіў іск бізнесмена Зайдэса да „Новага часу”