У Лідскім раёне цягнік сутыкнуўся з бетонным слупом
Гэта адбылося вечарам 29 снежня. Хтосьці перакрыў бетонным слупам чыгунку ў Лідзе, паведамляе Следчы камітэт.
Машыніст пасажырскага цягніка Гродна — Гомель убачыў перашкоду і стаў тармазіць, аднак сутыкнення пазбегнуць не ўдалося.
Дзякуючы ўважлівасці машыніста пасажыры не пацярпелі, а праз некаторы час цягнік пайшоў далей.
Аднак такім жа спосабам перакрылі чыгуначныя шляхі ў Лідзе ў гродзенскім кірунку, там ехаў таварны цягнік.
Заведзена крымінальная справа па ч. 1 ст. 309 (наўмыснае прывядзенне ў непрыдатнасць шляхоў злучэння) Крымінальнага кодэкса.
