У Львове храмы РПЦ пазначылі як „філіі ФСБ”
Невядомыя ў Львове 9 лістапада зрабілі напісы „філія ФСБ” і „Маскоўскі патрыярхат – ФСБ” каля трох цэркваў Украінскай праваслаўнай царквы Маскоўскага патрыярхату ў Львове.
Пра гэта паведаміла львоўская гарадская арганізацыя дабравольніцкага руху ОУН у Facebook.
„Невядомыя патрыёты, напэўна, імкнуліся давесці львавянам, якія не ў курсе, што ў Львове дзеюць тры філіялы ФСБ Расейскай федэрацыі пад выглядам хрысціянскіх цэркваў” – гаворыцца ў паведамленні.
Напісы былі зроблены ля храмаў па вуліцах Караленкі, Чырвонай Каліны і Антановіча.
Беларускае Радыё Рацыя
