У Магілёве сёлета ўжо другі раз пашкодзілі бюст Тараса Шаўчэнкі
Невядомыя зламыснікі збілі з пастамента надпіс з імем класіка ўкраінскай літаратуры.
Прадстаўнікі мясцовай украінскай дыяспары звярнуліся ў міліцыю. Журналісты апыталі жыхароў гораду, што яны думаюць на гэты конт:
– Гэта вельмі добры паэт. Я працавала 30 гадоў разам украінцамі, таму я ўсё разумею, ведаю і люблю.
– Напэўна людзям няма чаго рабіць. Ходзяць, напэўна, спецыяльна робяць.
– Гэта вырадкі нейкія робяць.
– Мабыць, гэта нейкія расейскія актывісты – вандалы. У нас, у беларусаў, братэрскія адносіны з Украінай, таму я не лічу, што гэта робяць іменна беларусы.
Бюст Тараса Шаўчэнкі на беразе Дняпра ў Магілёве ўсталявалі ў 2005 годзе з ініцыятывы мясцовых украінцаў. Раней яго ніколі не апаганьвалі. Першы раз гэта здарылася сёлета ў студзені
У сакавіку замест збітага надпісу з каляровага металу зрабілі іншы – з пластмасы. Пратрымаўся ён крыху больш за тры месяцы.
Беларускае Радыё Рацыя, паводле БелаПАН
Глядзіце таксама
