У Маскве загінуў журналіст Сяргей Дарэнка
Галоўны рэдактар радыёстанцыі «Говорит Москва» Сяргей Дарэнка загінуў пасля ДТЗ. Пра гэта паведамляе ТАСС са спасылкай на крыніцу.
«Дарэнка ехаў на матацыкле па цэнтры горада, яму стала дрэнна з сэрцам. Ён зваліўся з матацыкла. Мінакі выклікалі хуткую, але лекары выратаваць яго не змаглі» – сказала крыніца.
Крыніца «Ленты.ру» у праваахоўных органах паведаміла, што 59-гадовага журналіста даставілі ў рэанімацыю ў вельмі цяжкім стане, дзе ён памёр.
Дарэнка стаў галоўным рэдактарам «Говорит Москва» ў 2014 годзе, да гэтага ён узначальваў радыёстанцыю «Русская служба новостей».
З 1996 па 2000 ён працаваў на тэлеканале ОРТ, супрацоўніцтва з якім было спынена пасля рэпартажу пра гібель у Баранцавым моры падводнай лодкі «Курск».
Сяргей Дарэнка быў двойчы жанаты, у яго засталіся пяць дзяцей.
